影片
更多
2023-03-15
103 浏览
重房📍北角马宝道62-76号华礼大厦地下G29A&B号舖呢间位于北角隐世日本料理小店专营omakase，由两位善于social 嘅师傅主理，晚餐价位较旺区亲民，分别有$980, $1280, $1480 。而每一个套餐都会免费送一小瓶东洋美人sake, 非常好客！我地拣咗个$980 ，虽然系最经济𠮶个套餐，但都有17品，其中一品仲要系吞拿稀有部位添！Omakase 要食到稀有部位，一定唔系呢个价位！师傅仲话如果有客人要求，可以提供到鲨鱼心藏同八爪鱼卵呢啲香港地冇乜地方食到嘅刁钻部位！渍物：红桥头，牛蒡。开胃小食，仲要系全晚无限refill前菜：1. Wasabi 淮山、腌制莲藕、水云、酒盗日本腐竹日本淮山较本地黏，带少少滑潺潺嘅口感。酒盗日本腐竹调味，有啲咸咸地可以带出豆香！主要系酸酸甜甜为主调，好适合佐酒嘅前菜！2. 九洲小长井生蚝生蚝大只爽口，蚝味重，海水味浓，配以萝卜蓉及海带，多重口感更清新！3. 萤光鱿鱼加酱油以火枪灸烧，入口爆浆，咸香味浓，出色刺身：4. 目仁奈白身鱼中鱼味较浓，油份适中5. 北海道凡立贝用咗柚子岩盐作调味，肉质一梳梳，鲜甜！6. 野生冰见寒𫚕要系冰见巷捕获先
📍北角马宝道62-76号华礼大厦地下G29A&B号舖
呢间位于北角隐世日本料理小店专营omakase，由两位善于social 嘅师傅主理，晚餐价位较旺区亲民，分别有$980, $1280, $1480 。而每一个套餐都会免费送一小瓶东洋美人sake, 非常好客！
我地拣咗个$980 ，虽然系最经济𠮶个套餐，但都有17品，其中一品仲要系吞拿稀有部位添！Omakase 要食到稀有部位，一定唔系呢个价位！师傅仲话如果有客人要求，可以提供到鲨鱼心藏同八爪鱼卵呢啲香港地冇乜地方食到嘅刁钻部位！
渍物：
红桥头，牛蒡。开胃小食，仲要系全晚无限refill
前菜：
1. Wasabi 淮山、腌制莲藕、水云、酒盗日本腐竹
日本淮山较本地黏，带少少滑潺潺嘅口感。
酒盗日本腐竹调味，有啲咸咸地可以带出豆香！
主要系酸酸甜甜为主调，好适合佐酒嘅前菜！
2. 九洲小长井生蚝生蚝大只爽口，蚝味重，海水味浓，配以萝卜蓉及海带，多重口感更清新！
3. 萤光鱿鱼加酱油以火枪灸烧，入口爆浆，咸香味浓，出色
刺身：4. 目仁奈
白身鱼中鱼味较浓，油份适中
5. 北海道凡立贝用咗柚子岩盐作调味，肉质一梳梳，鲜甜！
6. 野生冰见寒𫚕要系冰见巷捕获先可以称得上冰见寒𫚕，配上自家磨制彩芝麻，肥美油香味浓，调味令层次递增
7. 太刀鱼 经过灸烧再配以三升渍调味，油脂丰富，三升渍带微微辛辣，好惹味！
8. 自家制矶煮鲍鱼
配以鲍鱼肝酱，经过慢煮几个钟，非常入味，鲍鱼肝酱味道似蟹膏！
9. 昆布滑子菇汤食咗咁多刺身之后， 有碗热汤暖胃，滑子菇入口黏黏滑滑，清甜！
寿司：
10. 蜜甘鲷食蜜甘长大嘅鲷鱼，食到尾会带少少陈皮味
11. 深海池鱼仿北海道备长炭效果，用特定网烧轻轻一下一下烫热，迫出满满油脂，重回甘味！
12. 生死恋两片大拖罗，一片生一片灸烧过，鱼脂极丰富，整喜爱！
13. 脑天属于拖罗稀有部位，即额头位，轻轻灸烧过，估唔到头部油脂都可以咁丰富！大开眼界，非常出色！
14. 甘海老配虾头膏酱 ，甘甜！
15. 北海道小川海胆杯属于黄海胆，甘甜奶滑！
16. 乌冬松叶蟹肉配日本秋田县汤乌冬，蟹肉鲜甜，乌冬烟靭！
17. 甜品绿茶同焦糖日本糯米糍，烟烟韧韧好有日本手信味道！
题外话/补充资料：
师傅仲透露今年七月佢哋会搬到去铜锣湾，一个2000-3000尺舖位，有VIP 房添！好期待新铺开张！
(以上食记乃用户个人意见 , 并不代表OpenRice之观点。)
张贴
