101臺灣品味館 (已結業)

啱啱同老公叹完个台湾蜜月之旅，难得一齐放假，去揾间台湾餐厅食嘢回忆甜蜜感觉先。我地行到太子，见到间环境吾错嘅台湾餐馆，一于去试下。一入门口服务员就招呼我地坐低，虽然佢地好繁忙，亦不忘介绍店舖嘅招牌菜。老公就点咗个招牌红烧牛肉面，盐酥鸡球饭、肉燥茄子，百香果绿茶同胚芽奶茶。首先黎咗个鸡球饭，鸡球外层炸到金黄脆卟卟，入口酥脆，内层鸡肉鲜嫩有汁，加埋野味嘅椒盐粉简直好食到不得了，好有台湾夜市小食风味，估吾到系香港都可以食翻𠮶种感觉，而且饭面仲有好香嘅肉燥汁，捞饭真系胃口大开。牛肉面好正，牛肉焖得非常惹味，口感超好又吾会韧，面浸在牛肉浓汤里，试一啖，系香港真系冇一间牛肉面做得噤出色，色香味俱全😘再试个肉燥茄子，外表轻轻炸到浅金黄，再淋咗D酱汁同肉燥系面，卖相吾错，睇得出厨师好花心思，茄子放入口，汁同肉燥同时从嘴角流出，正、正、正👍👍👍百香果绿茶入口清新宜人，果味由牙逢溢出，系舌尖与味蕾间交集，醒神开胃😙😙胚芽奶茶亦香滑有茶味，而且食到粒粒胚芽，I like it 😍喱间台湾嘢味道正宗，店员同我讲系台湾师傅主理嘅，加上每碗份量十足，价钱都好抵！下次食台湾嘢我吾使谂去边间啦，就嚟喱间！👍👍👍👍