一鍋瘋 (已結業)

朋友拣咗呢间嘢同我食生日饭，一人一个粥底打边炉系几好，至少拣返自己想食嘅味... 个汤底嚟到，真系淡到好似水咁，已经觉得好奇怪.... 谂住可能佢惊啲人打边炉再加啲料个粥可能会浓所以都算... 咁佢个海鲜餐$188，嚟到啲海鲜劲少.... 一人一只蟹仔、两只虾、一只鲍鱼、一堆贝壳类嘅嘢.... 咁如果好新鲜，份量少都可以... 结果，除咗虾，其他嘢都唔新鲜，我朋友话食到其中一个贝类仲要有怪味.... 然后望住张menu纸，啲款式好普通，又少选择，真系唔知可以叫啲咩..... 最嬲系叫牛肉，佢平𠮶只肥牛系肥到不得了..... 好，我当你平嘢质素差，咁我哋都叫两只贵啲嘅牛试下... 一款系牛小排，一款系牛肩肉... 之后佢嚟两碟牛肉，其中一碟同肥牛差不多样，只系冇佢平𠮶只肥牛咁肥.... 我啲朋友仲以为个侍应嚟错嘢，问佢呢碟系咪肥肉... 佢答系... 咁我哋梗系叫佢换啦！之后个侍应又叫另一个人嚟，之后再呢碟就系牛肩肉... 真系眼都凸... 我哋真系冇见过咁肥嘅牛肩肉，谂下碟肉嚟到我哋可以误以为系肥牛就知系几大件事... 我哋叫佢换过另一碟返嚟，结果都系咁嘅「肥牛样」，直接叫佢取消呢碟嘢