影片
更多
2021-08-02
274 浏览
趁暑假得闲啲又relax嘅日子，都会带两姊妹周围玩吓同食吓野。上星期溜完冰⛸就同佢哋去行吓湾仔 「玩具街」，再响附近食上海菜，因为家姐话好想食片皮鸭(真识食呀)😆去到 古琴雅苑 觉得环境唔错，店员安排我地一家四口坐窗旁嘅卡位，好阔落又舒服。我哋可能太肚饿，好快就谂到心水𩠌菜😉北京烤鸭 ($188半只)半只嘅分量啱啱好，鸭皮香脆不油腻，皮肉比例恰当，配以爽口嘅哈密瓜、青瓜，口感一流。我就钟意加多少少葱丝，混合埋京酱酱汁，好满足！每块面粉皮好烟韧，而且用食物纸隔开，容易拎又唔会痴住，两姊妹就越包越开心，有得玩又有得食😂 另外仲有一小碟嘅”一口酥”(4小块)，净系鸭皮而且特别松脆，经店员提醒，可以点砂糖或柚子酱，入口即溶嘅感觉，真系特别令人回味😊风味松子鱼($238)上碟前，店员会帮忙切开成小鱼块。松子鱼肉好嫩滑，外皮亦炸到脆卜卜，最喜欢个酸酸甜甜酱汁，仲有好多松子、波萝粒，越食越开胃！砂锅云吞鸡 ($178)呢个系为细妹特别order，因为佢系超级喜欢食鸡同饮鸡汤😋 店员又系好好服务，会帮忙分汤同𩠌。个汤超香甜，细妹饮完汤再揸住只鸡髀🍗食，佢话好滋味😝一锅里面有6粒大大嘅云吞，我至爱😚高力
去到 古琴雅苑 觉得环境唔错，店员安排我地一家四口坐窗旁嘅卡位，好阔落又舒服。我哋可能太肚饿，好快就谂到心水𩠌菜😉
北京烤鸭 ($188半只)
半只嘅分量啱啱好，鸭皮香脆不油腻，皮肉比例恰当，配以爽口嘅哈密瓜、青瓜，口感一流。我就钟意加多少少葱丝，混合埋京酱酱汁，好满足！每块面粉皮好烟韧，而且用食物纸隔开，容易拎又唔会痴住，两姊妹就越包越开心，有得玩又有得食😂 另外仲有一小碟嘅”一口酥”(4小块)，净系鸭皮而且特别松脆，经店员提醒，可以点砂糖或柚子酱，入口即溶嘅感觉，真系特别令人回味😊
风味松子鱼($238)
上碟前，店员会帮忙切开成小鱼块。松子鱼肉好嫩滑，外皮亦炸到脆卜卜，最喜欢个酸酸甜甜酱汁，仲有好多松子、波萝粒，越食越开胃！
砂锅云吞鸡 ($178)
呢个系为细妹特别order，因为佢系超级喜欢食鸡同饮鸡汤😋 店员又系好好服务，会帮忙分汤同𩠌。个汤超香甜，细妹饮完汤再揸住只鸡髀🍗食，佢话好滋味😝一锅里面有6粒大大嘅云吞，我至爱😚
高力豆沙 ($58)、腰果露 ($34)
最后梗系要食个甜品啦，叫咗传统嘅高力豆沙，上碟时热辣辣，馅料有香蕉同埋豆沙，每人一粒唔使争😝 我自己仲叫咗碗腰果露补吓😂好难得食到一碗口感滑又香浓嘅腰果露，作为呢餐完美嘅句号🤓
另外见到餐牌有「夏日尝鲜」嘅二人、四人、六人套餐，有烤鸭、炒鳝糊、炒年糕、津白等，都算好抵食。
张贴
