蔡瀾越南粉 (已結業)

食物是可以的，但份量不大，一碗粉正常是不够的，可多叫一个小食。basic一人大约$150上下。在中环lunch算是中价。小妹公司在附近，开店至今，每星期大约食一、两次。平时疫情冇咁严重的时候，午饭时间都要排队。今天小妹1:00去食，已经不用排队，而且有一些空位。店方安排了一个很大风的单人位，啲间隔胶板都吹到左右摇摆。拜托店方把冷气机不要那么大风，落单嘅时候答应调低，但过咗一阵间都冇分别，再向工作人员要求。工作人员说已经不能再调低温度：「我话俾你听，已经调低左，唔可以再调低。再调低就会好焗。冇得搞㗎啦，系咁㗎啦，我厨房都会好热嘅。」又唔可以调位，冷气又吹到头晕，又已经落咗单唔想即刻走喺度泼妇骂街，只可以食完即刻走。其实如果真系冇空位，调唔到位我都好明白。但餐厅又有吉位，又明明工作人员都见到啲风咁大，仲要落完单先讲冇得调校，咁点解唔调我位呢？我觉得好生气？ 要知道，1:00之后，系会越来越多位。工作人员同我讲完果番话之后，我已经唔想再同店里面所有人讲嘅，费事自己越来越生气。中午出去食饭，冒着疫情嘅风险，都系想休息吓。对于餐厅呢个态度，我觉得完全系冇心帮食客解决问题。