Sweetology (已結業)

最近试左一间细细地环境几舒适嘅餐厅，里面大多以甜品为主，仲有全日早餐俾食客拣。价钱连埋加一都唔算太贵，而且店内嘅服务都好好，食物嘅款式都非常丰富。因为食晚餐，所以叫左个意大利杂菜汤配脆巴马火腿螺旋及长通粉，份量一般，比较啱怕肥嘅女士们，味道酸甜醒胃。而瑞士汁杂菌(配白饭)再加沙律，味道清新香甜，调味同配搭都合宜。随餐附有多士同柚子冰红茶，非常滋润。甜品我就拣左鲜杂果配窝夫，生果嘅味道新鲜香甜，加上有士多啤梨雪糕做配搭，外观都非常悦目。