喜聚坊

营业中

休息中

大角咀呢边出名多嘢食，今次经亲戚嘅介绍吓，黎试一试呢间私房菜，听闻大厨煮嘢非常好食，一定要朝圣一下。入到去环境已经反映餐厅口卑，皆因墙上贴咗好多大厨受访问、得奖、获推介嘅照片，所以未嗌嘢食已令人充满期待。《老火煲霸王花猪尾骨汤》$168首先来个靓汤暖一暖胃先，师傅话冇加任何味精，饮落的确系，淡淡地，只有好天然嘅猪尾骨味。霸王花好香，够林好味👍🏻《支油皇炒鹅肠》$168第一次食新鲜嘅鹅肠，真系好少见，大排档几乎全部都系用冰鲜的。新鲜鹅肠嘅特别之处系非常爽脆，比较阔身，而且好入味好香，连底底嘅芽菜都好好味，食到停唔到口！《原条香浓水煮桂花鱼》$268桂花鱼都知道好滑无骨，整得好食就一定系个汤底，呢个汤底好浓好香花椒味，但又唔系死辣，更加唔会愈食愈咸，师傅系调味方面掌握得好好，除咗鱼仲有大量嘅配料，豆芽索汁后好好味好爽口，非常推荐。《芥菜炒咸肉》$148好少机会食到芥菜，炒得好爽脆，咸肉轻轻煎香过，少少脆口，两样野好match，都唔错。 总括嚟讲，私房菜真系有咁上下质素，而且大厨真系并非浪得虚名，有机会下次一定再嚟。