Jacomax

营业中

休息中

星期三屋企人有嘢响呢头做，就叫佢去前去寿司朗攞飞，5点50分攞飞，结果搞晒所有嘢，8点都未有位... 突然醒起附近有一直好想试嘅Jacomax，就走黎睇。虽然里面都好多人吓，但唔洗等就有位了。里面嘅装修好鬼似啲cheap cheap 酒吧，整埋晒啲紫灯咁想点呀😂火箭菜沙律：唔知系咪就黎收工，咁鬼大兜嘅！😂 好开心！劲多菜！唔算超新鲜但不过不失啦！两个人食咗两大碟之后仲可以pack 一盒走！意乱情迷：嗌呢个因为呢个好多料。估唔到咁好味！个饼底完全系响意大利啲平民餐厅嘅饼底！料多，salami 嘅咸香特别正。肉丸：有芝士焗面，所以仲耐过个pizza 到。十分热。估唔到超级好味！个肉丸软得黎又唔会觉得好肥腻，最正系个茄酱！完全系意大利食到𠮶只味！总结：估唔到真系食到意大利浸味！一定会再返黎食。