千樂燒味餐室 (已結業)

今日同朋友嚟呢间烧味店系佢极力推荐嘅，缘由就系上次佢嚟叫咗一个叉烧饭，老板娘就比咗叉腩佢，佢一试难忘，所以决定带我嚟再食一次。佢听老板娘讲，叉腩系极限量供应，呢个部位真系可遇不可求，唔系成日都有得食。于是我地念住早啲去食个中午饭，大约一点嚟到。我就叫咗叉烧濑粉，佢就叫咗烧鹅脾叉烧饭。我地都赌究竟边个会食到叉腩，我就赌两个都无。点知上到嚟两个都有叉腩，我一开始见到有啲惊，因为好多肥肉啊！但老板娘见到我面有难色，同我讲：啲肥油烧晒出嚟噶啦，食落唔会觉得肥架。于是我就放心摆一个落口，真系有种入口即溶嘅感觉，完全唔觉得肥腻，而系有绵滑松软嘅口感。加上微微㶶边，食落又香口。真系怪唔之得朋友想一试再试。