BTS美食站

营业中

休息中

喺香港每次食泰国菜都会谂起去九龙城，呢间 BTS美食站价钱合理，坐得舒服，味道唔错，服务细心，轻轻松松食到正宗泰国菜。我同朋友两个人叫咗牛丸牛肉船粉、泰脆炸猪手、珍多冰。牛丸牛肉船粉泰国地道船粉，我钟意食面多啲，牛丸、牛柏叶、牛肉三宝，味道偏浓，浓郁的牛肉香味。牛丸劲爆汁，黑椒味少辣，弹牙口感。牛柏叶好爽口，切得幼细又唔韧。鲜牛肉非常软嫩，入口滑顺，牛肉的香气四溢。搭配丰富汤底，浓稠杰身，材料吸收晒啲汤汁，好入味。船面煮得刚好，加上芽菜、芫荽、九层塔，挂汤一流。泰脆炸猪手猪手经过泰式脆炸，外层酥脆，猪手肉质仍然鲜嫩多汁。配搭特别酱汁，可以提升猪手香料的味道，大大块炸虾片，增添了浓郁的风味，搭配一些木瓜沙律一起享用，可以增加层次感，味道鲜美，好惹味。珍多冰最后饮品当然唔少得珍多冰，入面嘅珍多冰肉真系好好味，口感丰富，非常开胃。