Route 83 (逸峯商場)

营业中

休息中

之前听朋友介绍粉岭有间好好味嘅西餐厅，但因为太远， 所以一直都冇入去试。难得今日入去，就梗系去试吓。可能因为系平日入去，所以餐厅唔算好多人。 我同朋友拣咗面向玻璃的卡位坐底，估唔到环境咁舒适。而且待应好好礼貌，未食野就已经对呢间餐厅留左咗好印象☺️☺️☺️因为唔系好肚饿嘅关系，所以我哋净系叫咗两样嘢食。美式烧猪仔骨配炸薯条，猪仔骨烧得非常惹味，肉质嫩滑juicy, 非常好味，食到完全停唔到口。仲有佢香煎吞拿鱼扒配薯蓉又系有惊喜，鱼扒有半生熟的质感，再配佢个酱又系好食到停唔到口。我最最最估唔到就系佢个薯蓉都整得咁好食，好香牛油味，而且好滑身，真系有入口即溶的感觉。呢间真系坚推介比朋友！