陳儀興飯店 (嘉悅)

营业中

休息中

第一次入将军澳食饭，好彩朋友推荐，有提早book位，见到呢间餐厅平日夜晚都座无虚席😲。入到餐厅唔算细，有大台同细台，环境干净宽阔。椒盐鳝球🤤鳝球炸至金黄香脆，肉质厚实，口感弹牙，完全唔会油腻。鳝球处理得十分干净，啖啖肉完全无骨亦无泥味。焗鱼肠🐟依家好少餐厅有得食，蛋味浓郁🥚，仲有大量鱼肠🐟，而且完全无鱼腥味，真系好满足，趁热食一流😍。卤水拼盘(墨鱼片、腩肉、大肠、红肠、生肠、猪耳、猪颈肉、卤蛋、豆腐）😍食潮州菜点可以缺少卤水呢，叫左一碟卤水拼盘，一次过满足晒多个愿望😎。份量十分足够，墨鱼片有咬口，腩肉肥瘦相间，大肠生肠猪耳处理得十分干净无腥味，连垫底嘅豆腐都十分嫩滑，卤水蛋非常入味👍🏻。四季黄金拌鸭舌🦆咸蛋粉浆包裹住四季豆同鸭舌，炸粉比例恰当，薄薄嘅一层，十分香口酥脆🤤。上汤龙虾🦞超级推介即捞即煮嘅龙虾，十分生猛，我地拣左用上汤方式处理，龙虾鲜味，肉质鲜嫩弹牙，仲要有虾膏。两人食每人半只，份量啱啱好。整体而言，朋友真系无介绍错，呢间潮州菜果然系好好味，每样菜式都绝对唔会马虎，做到十分出色，下次都会继续帮衬👍🏻。