泰屋 (已搬遷) 新店位置

叫左一条明炉乌头鱼, 一路食要一路吐鱼鳞, 好心揾左个白衫经理同佢讲下, 叫佢地留意一下, 佢仲死话d鱼一定去晒鱼鳞, 要指埋比佢睇放到一枱都系既鱼鳞佢先讲声唔好意思.点知再反转条鱼食令一边既时候,就不得了啦~~~令一边简直冇清鱼鳞一样, 啖啖鱼鳞, 根本食唔到, 咪再揾令一个蓝衫经理投诉一下。因为我地都食左一半, 所以都费是要人退晒, 咪念住减一半就算。但佢都系唔肯, 仲讲到我地好似想食霸王餐咁…….其实半年前我同十几个朋友都黎过一次, 点菜同食紧时既service都真系好好, 好殷勤咁介绍呢样个样(~想你点多几个菜啩~), 但可惜系食到尾声既时候, 经理就好快咁上晒甜品生果, 然后收走所有野, 叫我地埋单, 话要做下一轮, 我地当然好嬲, 因为订枱既时候佢地系冇讲, 而且饮品都未饮完, 于是我地埋定单后就继续饮野倾计。但最绝系佢地放晒下一枱既人入黎, 十几人企系后面好似酒楼等位咁迫人走……唉! 咁既服务态度……冇事时service都可以既, 有事时就真系唔得啦!