見見面 (琉璃街) (已結業)

星期五晚偷懒唔煮饭，同老公去食佢钟意既酸菜鱼。酸菜桂花鱼 (生鱼)拣左少辣少麻少油，钟意呢间连油都可以拣少油，辣度我接受到，条脷食到麻麻地，生鱼够嫩滑，基本上无骨，份量亦好多，啖啖肉，爽。辣子田鸡拣左少辣少麻少油，炸得好香脆，十分惹味。夹沙肉拣左少油，我地第一次食，底层系糯米同红豆沙馅，铺住肥猪肉同砂糖，口感黏稠，好特别又几好食。四川担担面拣左中辣多麻，汤底十分浓郁，汤汁非常挂到啲面，花生味都好出，香港数一数二好食既担担面，十分满意。红糖糍粑有12条甘多，红糖酱另上，糍粑好软糯，外皮够脆，好食。叫左支竹蔗茅根下火。