福來居(牛記)海鮮飯店

营业中

休息中

其实食一餐饭真系好简单事情，几乎日日都会去，至于好唔好食就见人见智，好似前几咁日又去咗太子食饭，好友话成日食西餐都会厌不如转转口味食下中餐，食D正宗特色小菜，就去咗D较为老志号大饭店帮衬又睇吓食落有冇惊喜就由好友点咗几味𩠌菜一边食一边饮，饮梗系啤酒咁先有气氛转头小菜逐一出来，先有沙拉腩排，腩排已沾满香甜酱汁，每件肉入口都好入味而且仲啖啖肉，加上沙拉食落几开胃到另一款系黄金鲜鱿，话明黄金当然用咗咸蛋黄一齐炒，外面食到香浓蛋黄味而鲜鱿肉质鲜嫩，真系一个不错配搭食得惹味食到最后一味𩠌系豉油皇炒面，咪睇好似普通其实都要去有咁上下厨艺先至可以炒得咁干身，而面条一条条散开吸收晒豉油嘅味道，配埋芽菜已经系完美组合又咁快食完一餐中式小菜。