十八座狗仔粉

营业中

休息中

系荃湾睇完医生之后，饿饿地谂唔到食乜，就会走去食街（路德围）揾野食。自己一个通常唔想食咁贵，随便揾间野食得饱，唔太差既餐厅食就可以，最后拣左呢间「十八座狗仔粉」。我去个时系平日12点左右，一入到去时仲有好多位，无过几耐，学生同埋上班族放饭，成间舖满座，好彩早左少少去到啫。细狗仔粉（$22)以家有好多地方都无粉仔食，就算有，好多都唔好食，但呢间味道比我想像中好，似我细细个食开屯门有间好出名既粉仔，系童年既味道呀。食粉仔最钟意落埋菜甫食，愈多愈好食。如果喜欢尝辣既，可以加佢地既辣菜甫，但都几辣下。烧卖（$12/7粒）粉仔份量唔算多，怕唔够饱可以叫多个小食。呢度烧卖蒸得够淋，有麻油香，而且都算抵食。呢餐平平地只系食左$34啫，质素唔差，比想像中好，如果好似我咁自己一丁友唔想食咁贵，呢间都系唔错既选择。