The Pudding Nouveau (已結業)

同老公喺附近食完lunch，见有时间就想叹返杯咖啡。其实大坑嘅cafe已经试过几间，今次想揾间新嘢试下，荡下荡下，见到呢间门面几靓、又几多人嘅cafe，就入去试下。本来有张喺店中间较阔嘅枱可以比我地，但侍应见我地后面仲有一家三口客人，就叫咗我地坐最入果张细枱，咁我又见人家有小朋友，就让比人啦，点知中伏...坐低发觉，个位好迫，格离得返好少位员工仲要出出入入，后面就系洗手间，仲要度门半开...我背向洗手间还好，而面向洗手间嘅老公就比头顶冷气直吹，佢面色开始有变...心知不妙唯有拿拿林叫嘢食。我地叫咗杯mocha同佢特别介绍嘅乌龙茶法式炖蛋。先嚟mocha, 拉花不错，奶泡算挺身，无话放一阵就下陷走样，饮一啖，奶几滑，但朱古力味太重、太甜(我无落糖)，全无咖啡味，失望...到个乌龙茶法式炖蛋，成个造型其实唔错，但睇多两秒已见败笔。焦糖烧得唔够，根本唔"焦"。再讲味道，乌龙茶是ok的，亦够茶味，但捞埋个炖蛋颜色就好似泥咁，质地又唔够软滑，过实，成个感觉好胶，好似倒泻鱼胶粉咁。旁边生果又唔新鲜，有两粒蓝莓有怪味。仲够胆叫价$78! 外边好多糖水舖卖三十几蚊嘅都好食过佢！此时老公已经黑面...食