Lamlam脷

营业中

休息中

今日喺旺角做完facial，条街真系好热，行两步就标哂汗，所以好想揾个地方叹个甜品。记忆中lamlamli好似系附近，所以就行过去了。入到去见到个玻璃柜display出嚟嘅千层蛋糕好吸引。仲有几多款唔同口味。有一款得返一件嘅千层吸引左我，一问之下原来系焙茶奶盖流心，听完个名就知系我要嘅嘢，我想食佢。好事成双，所以叫多件绿茶流心。当时得两个人堂食，我都坐低坐食埋一份 ，有啲干花可以打卡又有得凉下冷气。奶盖流心好正，咸香咸香，焙茶味浓，啲cream 超滑，好好食。食哂焙茶就开始品尝件绿茶，绿茶粉喺面头，绿茶流心，绿茶cream ，成件事就系绿茶～ 焙茶太惊艳了，绿茶有点被比下去了。两件cake唔使$80。食物高质，有得坐有堂食有冷气，价钱唔贵，我俾99分。