影片
更多
2018-07-19
720 浏览
早排见到有好多朋友到616呢间火锅店打边炉，睇一睇原来都有几多分店。今次同朋友仔去到黄埔行街，行到又攰又饿，于是就去左打边炉，贪佢可以慢慢食，又坐得舒服。餐厅有幅好大的壁画，上面有曾灶财毛笔字，甚有香港的特色，好配合到香港烚下烚下的本土文化。讲到最特别，餐厅提供与众不同的牛肉⋯⋯呢度的牛肉唔系就咁叫牛肉，而系有胸口膀、脖仁、牛朴肉、牛驼峰等等。餐厅仲好贴心咁系餐纸上写左不同牛部位及所需的烹调时间。食火锅除左料要靓外，D酱汁都好重要！餐厅除左有葱蒜辣椒外，更有比普通豉油更香的自家鲜牛油酱油及秘制牛肉汁。汤底方面，我们拣左香浓马来沙爹汤。个沙爹的味道够晒浓，而且越尾仲keep到，味道够香而不会辣。朋友仔极力推介的牛肉饺！饺子皮包住无mix其他配料的免治牛肉，肉味够香够Juicy！自从系英国食过板腱牛，佢的肉味深深吸引我⋯⋯今次见到有来自澳洲的和牛牛板腱，即刻叫返碟试试！脂肪比较唔算多，所以食落较有口感，加上香浓的肉味，钟意食重牛味的朋友可以试试。呢个真系第一次听，系来自澳洲的和牛牛裙肉！呢个的脂肪比头先多，所以肉质会较淋身。牛香及油香都恰到好处，口感淋得黎牛肉味都有的。呢个见个名咁得意，都
讲到最特别，餐厅提供与众不同的牛肉⋯⋯呢度的牛肉唔系就咁叫牛肉，而系有胸口膀、脖仁、牛朴肉、牛驼峰等等。餐厅仲好贴心咁系餐纸上写左不同牛部位及所需的烹调时间。
食火锅除左料要靓外，D酱汁都好重要！餐厅除左有葱蒜辣椒外，更有比普通豉油更香的自家鲜牛油酱油及秘制牛肉汁。
汤底方面，我们拣左香浓马来沙爹汤。个沙爹的味道够晒浓，而且越尾仲keep到，味道够香而不会辣。
朋友仔极力推介的牛肉饺！饺子皮包住无mix其他配料的免治牛肉，肉味够香够Juicy！
自从系英国食过板腱牛，佢的肉味深深吸引我⋯⋯今次见到有来自澳洲的和牛牛板腱，
即刻叫返碟试试！脂肪比较唔算多，所以食落较有口感，加上香浓的肉味，钟意食重牛味的朋友可以试试。
呢个真系第一次听，系来自澳洲的和牛牛裙肉！呢个的脂肪比头先多，所以肉质会较淋身。牛香及油香都恰到好处，口感淋得黎牛肉味都有的。
呢个见个名咁得意，都忍唔住叫黎试试。佢的脂肪较集中，食落比较爽口，食落又几搅笑，值得一试。
一般我都会叫份油脂较丰富及均匀的牛肉，呢份澳洲和牛牛胸肉就非常岩我心水！由于油脂布满牛肉片，食的时候比较淋身，有入口即溶的口感。
最后一赞的系呢份牛丸！睇落平平无奇的牛丸，口感够晒爽口弹牙，食落仲有肉汁pe出黎tim，认为系必食Item！
==============================
钟意我分享的，我邀请你订阅我的食评，我会继续与大家继续吃掉世界，甚至吃掉整个宇宙！(哈哈)
张贴
