影片
更多
2017-05-07
308 浏览
有时做嘢真系做到唔够时间食lunch。。。要匆匆忙忙买个包就算！原来公司附近开咗一间新嘅面包店，听同事讲品质几好，赶住起货嘅我极速落去买黎试吓！门面唔太大，但好有外国feel！题外话，我买嘅时候都有好多外国人帮衬！唔知同门面有无关系呢？入面包嘅种类不少，而且大大个！除咗面包之外仲有好多唔同口味嘅曲奇！每款曲奇仲可以问职员试吓口味！不过今日真系太赶，会留返下次再试！原来呢度除咗面包曲奇之外，仲有少少饮品！已咖啡同花茶为主，好啱我呢啲OL嘅口味！价钱仲要好平！呢度仲有set lunch外卖！$35平过咖啡店好多！我选择咗一个黑椒鸡汉堡！贪佢够饱肚，而且包得密密实实好有神秘感！打开之后传出阵阵嘅香味，摸上手面包好松软！打开入面有大量嘅黑椒鸡肉馅！鸡肉已经切成丝状。初头第一口真系觉得好好味！面包真系十分之松软又有牛油香！中间鸡肉嘅份量刚好， 有咬口！黑椒令整个包更加惹味！番茄同埋青瓜都非常新鲜！呢个汉堡大大个！女仔当lunch绝对够饱！除咗lunch之外，见到佢有个红豆绿茶包非常之吸引， 就买返屋企食同屋企人分享！呢个红豆绿茶包份量好大，红豆好多而且食到豆衣！唔会太甜。面包渗出淡淡嘅绿茶香。另
门面唔太大，但好有外国feel！题外话，我买嘅时候都有好多外国人帮衬！唔知同门面有无关系呢？
入面包嘅种类不少，而且大大个！
除咗面包之外仲有好多唔同口味嘅曲奇！每款曲奇仲可以问职员试吓口味！不过今日真系太赶，会留返下次再试！
原来呢度除咗面包曲奇之外，仲有少少饮品！已咖啡同花茶为主，好啱我呢啲OL嘅口味！价钱仲要好平！
呢度仲有set lunch外卖！$35平过咖啡店好多！
我选择咗一个黑椒鸡汉堡！贪佢够饱肚，而且包得密密实实好有神秘感！
打开之后传出阵阵嘅香味，摸上手面包好松软！
打开入面有大量嘅黑椒鸡肉馅！鸡肉已经切成丝状。初头第一口真系觉得好好味！面包真系十分之松软又有牛油香！中间鸡肉嘅份量刚好， 有咬口！黑椒令整个包更加惹味！番茄同埋青瓜都非常新鲜！呢个汉堡大大个！女仔当lunch绝对够饱！
除咗lunch之外，见到佢有个红豆绿茶包非常之吸引， 就买返屋企食同屋企人分享！呢个红豆绿茶包份量好大，红豆好多而且食到豆衣！唔会太甜。面包渗出淡淡嘅绿茶香。
另外仲买咗一个light d嘅早餐， 系红莓亚麻籽包。同样超级松软！入面有少少红莓同提子干，麦味好香。
但要数最令我惊喜嘅系呢杯紫玫瑰花茶！花茶嘅花香味好清新！店员仲帮我加左少少蜜糖，同花茶嘅清香味道好夹！真系好好味！饮完之后仲可以加热水refill！职员话呢包茶包饮一日都可以！结果我真系饮到放工都仲有味！可以讲话系超值！
呢度嘅面包早餐午餐都真系一流！真系好香好松软！我一定会为咗杯花茶而再来光顾！
张贴
