Rasoi 傳統印度菜 (已結業)

今日同妈咪泥左大角咀呢度食呢间印度菜，外面招牌好鲜艳，店内装修就好简约，以为印度餐厅会比较污糟，但系呢间就非常之干净整齐，枱布都系用一啲应该几贵价嘅布去蒲嘅。我哋叫咗一个马沙拉烤饼＄28 ,芒果奶昔＄35,印度奶茶＄25 ,牛油鸡件＄78 ，炸蔬菜馅饼＄38。马沙拉烤饼上面好多蒜蓉，我哋以为自己叫咗蒜蓉烤饼，但老板话系马沙拉烤饼，食落好重蒜蓉味，里面有啲芝士，有啲似蒜蓉包。炸蔬菜馅饼里面有芝士粒，食落同普通食开嘅芝士唔同质感比较轻，密度亦都冇普通芝士甘高，有一浸奶味，唔系太流，叫佢俾埋个三色将我哋点，食落几香口松脆。牛油鸡件个酱好浓，食落个味好特别唔知点形容，但系有一阵芫西同印度香草嘅味，用来送烤饼真系唔错。最后到杯芒果奶昔，非常之清新，唔系太甜芒果味好浓，唔会太流，成杯饮晒。顺带一提，老板同埋侍应招呼都好周到，令我对印度餐厅改观。