銀座梅林 (已結業)

原本去万豚食乌冬不过排晒队，要咁等位乜都假，近近地转去K11试食依间新吉列专门店。当晚店员介绍佢地有比黑豚更靓叫"金星猪"嘅特选猪拣，不过就要每个set加多$20，为左比较当然叫晒两种猪试试啦。吉列金星猪扒定食 - 比多$20嘅果然好食啲，比黑豚juicy好多，有一两旧同丼吉有水准时嘅猪扒有得比。吉列黑豚猪扒定食 - 珠玉在前，立即比下去，只属中水准。咖哩吉列虾定食，咖哩唔突出，而且佢嘅虾都无近又同丼吉咁爽咁新鲜，可以唔叫。吉列黑豚猪柳定食 - 写到依道先知自己无食，不过朋友话ok。炸薯饼 - 无特别梅林串炸 - 有8款唔同嘅食材，味一般。豚角煮 - 食完一致觉得系东坡肉加介辣味。同其它吉列店一样，白饭同菜丝系任加嘅，而且佢嘅饭系日本米菜丝亦好新鲜。不过依道系无得玩磨芝麻嘅，扣分。