The Luxe Seafood Bar & Resto (已結業)

今日嚟到尖沙咀The Luxe都几多人，门口大排长龙，等咗半个钟到先入得。呢到野食款色唔少，嚟到梗系要先试佢个生蚝同海鲜。最期待系个生蚝，好新鲜，有海水味，滑一滑咁，而且无苦味。海鲜就啰咗翡翠螺同青口，翡翠螺弹牙厚身，有咬感，而青口都几好食。熟食麻吉烧、炸芝士豆腐、薄饼都几好味，几钟意佢地嘅炸物，炸到金黄色又唔油唔腻。薄饼味道唔错，薄而且脆。寿司款色都好齐，而且refill得快。三文鱼系头号必食，好新鲜，入口肥美，而D饭亦唔会好易散开。熟带子酱汁多，而带子亦啖啖肉。甜品就试咗个面包布丁，外表金黄色带少少㶶，外脆内软，仲有好香的奶味。桂花Jelly同布甸都好好味，特别系桂花Jelly，落足桂花，每啖都食到好香的桂花味。布甸奶味重，入口即溶，亦系唔错的选择。