影片
更多
2021-09-07
879 浏览
第一次写食评，食咗呢一间嘢六七年啦，平时都有喺出边留意泰国菜嘅餐厅，但系最后呢间都系我自己觉得最好食嘅泰国菜。海鲜冬阴功金边粉，大碗料又足，有鲜虾有青口，粉唔会煮得太耐吸到汤汁之余唔会影响口感，食嘅时候依然食得出一条条吸住汤汁嘅粉；冬阴公汤酸辣得嚟唔会太呛非常温和，容易入口。今日食嘅烧牛肉，有一股焦香味之余唔会柴口，配酱汁食可以冇咁易腻。蒜蓉包即叫即整，热辣辣嘅蒜蓉包配搭牛油同埋蒜蓉嘅香味，唔知点讲但系真系超正！另外一提烧牛肉同蒜蓉包趁热嘅时候加埋一齐食系人间美味。牛肉嘅软熟同油香配搭酥脆嘅蒜蓉包，牛肉嘅味道同蒜头嘅香味融为一体，系一个会令人会心微笑嘅味道。*记住一定要趁热食！酸辣虾沙律嘅味道对于平时唔系食开辣嘅人来讲可能太辣，但系如果配生菜食嘅话生菜会减轻佢嘅辣道，令成个沙律更加清爽开胃。
海鲜冬阴功金边粉，大碗料又足，有鲜虾有青口，粉唔会煮得太耐吸到汤汁之余唔会影响口感，食嘅时候依然食得出一条条吸住汤汁嘅粉；冬阴公汤酸辣得嚟唔会太呛非常温和，容易入口。
今日食嘅烧牛肉，有一股焦香味之余唔会柴口，配酱汁食可以冇咁易腻。
蒜蓉包即叫即整，热辣辣嘅蒜蓉包配搭牛油同埋蒜蓉嘅香味，唔知点讲但系真系超正！
另外一提烧牛肉同蒜蓉包趁热嘅时候加埋一齐食系人间美味。牛肉嘅软熟同油香配搭酥脆嘅蒜蓉包，牛肉嘅味道同蒜头嘅香味融为一体，系一个会令人会心微笑嘅味道。*记住一定要趁热食！
酸辣虾沙律嘅味道对于平时唔系食开辣嘅人来讲可能太辣，但系如果配生菜食嘅话生菜会减轻佢嘅辣道，令成个沙律更加清爽开胃。
张贴