吉之家 (已結業)

由中学喺柴湾道嘅中学读书开始食到依家，以前中学Lunch time仲要走落去霸位。以前最初啲滑蛋猪扒饭好好食，唔知系因为大个咗口味变咗，定系佢真系差咗，依家觉得啲滑蛋猪扒饭太湿，搞到啲饭淋得滞。自己一直以黎最常食嘅都系佢既生姜猪肉定食，个酱汁好惹味，送饭亦一流；另外，佢嘅咖喱都做得好唔错，唔太稀，咖喱味ＯＫ，但如果怕辣嘅人就未必啱，因为食落都有少少辣，但系我自己就好鬼钟意。饭堂形式，大家排排坐；虽则佢有啲位系可以一边4个X2边，可以坐到8个人，但Lunch time好多人帮衬，所以如果同同事去食晏，多过4个人就比较难揾位。