Mad for Garlic (已結業)

咁啱嚟到又一城揾 lunch 食，揾位都真系唔容易，同埋食 lunch 又唔想食得太贵... 行咗好几间都爆晒又劲多人等，见到呢间有位，价钱又ok，即行入去。有 set lunch 餐牌。虽然选择唔会，不过价钱唔太贵又坐得舒服就算啦。甜品要加钱。餐饮要咗斋啡都唔错。热柠茶都系正常嘢。前菜沙律都有d份量架~ 8" Pumpkin Spicy Cream Pizza 有d辣架，不过几惹味。呢个意大利薄饼有碎鸡肉，南瓜，辣忌廉，眼见仲有辣椒同葱。饼底好薄，好脆，两个人 share 非常之好。Grilled Chicken Mushroom Risotto 好大份，都要两个人 share 架。意大利饭入面有菠菜同杂菌，好味。个鸡扒煎咗少少，唔香，好少味料整，重鸡味，呢个鸡扒比期望中差咗d。两碟嘢都有蒜头粒，用落无咩蒜头味，所以食咗都唔口臭。不过会唔会再嚟食，都要再谂谂。