影片
更多
2021-04-18
1240 浏览
4人一枱，叫到成枱。除咗点心 ，佢都有好多厨房小食，口水鸡，猪脚姜，胡椒猪肚汤之类，食物全部都系街坊酒楼水准。好多人帮衬，代表佢啲嘢都唔太差，价钱其实唔贵，只不过我哋食得太多，四个人埋单三百几蚊。推介佢嘅烧腩仔同烧卖。烧腩仔唔会太咸，烧卖足料，面头有只虾，猪肉馅料味道唔错。屋企人就最欣赏佢嘅猪脚姜，唔会甜过龙，入味。炸云吞比较差啲，入边完全冇乜馅料，比起我上次去神灯任食𠮶粒炸云吞就差得远，任食果粒馅料都多过佢。带子饺，得菜冇乜带子。服务唔好有期望，职员都系爱理不理。一般街坊酒楼装修，有一壸滚水放喺枱面俾你自己冲茶。食完自己出去埋单。～报告完毕～
张贴
