八十八居酒屋

营业中

休息中

旧同事系一个日本控，疫情期间佢已经几个月冇得去日本，未来几个月亦都可能去唔成，佢就想揾间居酒屋安抚一下佢想念日本嘅哀怨情绪😆，咁佢又好挂住我，就叫埋我一齐去😁。呢间日式居酒屋，环境带点日式风情，彷如置身于日本咁！我哋点咗：角切鱼生沙律、 葱吞拿鱼腩黄金蛋配紫菜、炸鸡+豆腐、鹿儿岛县牛牛萝卜、烧一口🐷、 烧牛舌、烧鳕鱼干(送)。饮啤酒🍻～串烧质数高，烧一口猪肉质鲜甜，同时带点油香；厚切牛舌真系坚好味😋！鱼生及炸鸡则普普通通，不过不失。成晚我哋两个最欣赏就系呢个鹿儿岛县牛牛萝卜，萝卜和牛肉吃起来甘甜入味，肉质软嫩，萝卜完全没有根及苦味。我哋两个人食得好开心，全程卡卡声咁笑😁，连埋啤酒，每人要$350 ，虽然贵咗少少，但系我哋过咗一个非常愉快嘅晚上，亦帮闺蜜暂时缓和对日本相思之苦😃。