鮨樂 (如心廣場二期)

营业中

休息中

今日有事要到荃湾，做完嘢经过鮨乐，入去食个靓lunch。Staff态度唔错，有礼貌，感觉诚恳。今时今日好难得。Menu好多选择，样样睇落好正，样样都想试。最终拣咗特选北海道丼，$208。落完order 好快上味噌汤同沙律，好嘢可以边食边等。沙律系普通果种，不过胜在蔬菜新鲜。味噌汤几有诚意㖞，唔系普通开粉果种，食得出有鲜味又够热。食食下个丼嚟咗，实物同图差唔多。个丼有甜虾、蟹肉、海胆、三文鱼子同带子。海胆新鲜唔苦，浓浓海鲜味，感觉纯厚。三文鱼子好弹牙，一咬爆浆。蟹肉都鲜甜但有蟹壳碎。带子同虾新鲜都系软绵绵，不过唔系特别出色。食完啲𩠌唔够喉🤪单叫咗3件，分别系三文鱼、油甘鱼同赤虾。寿司细细件，已经预上加咗wasabi。特别出色系油甘鱼，鱼肉够厚有口感，入口柔软，正😄。埋单总共$283，价钱合理。