Jack's Terrazza Ristorante (已結業)

第一次嚟呢到食饭，见到餐厅对住个海，环境几正，first impression 唔错。但从落order开始感到招呼唔掂，负责take order个位叔叔对d客人好唔客气：好似初头只系问佢主菜可唔可以跟饭，佢好唔耐烦咁答得，语气好似话你好白痴咁；到最尾问佢咖啡系咪d奶另上，佢又非常晦气咁答人；重有放餐具个阵几乎系揼落枱面；重以为自己帮衬紧茶餐厅，咁嘅招呼系呢d地方绝对唔合格。讲完招呼，讲返d食物，叫咗个set lunch ，主菜食鸡胸($85)。面包先端上来，外面微脆里面软熟，有麦香，点上油醋好正。然后上咗个头盘，我要咗个苋菜卷，个汁系芝士汁，虽然平时唔钟意芝士，但呢个菜都觉得ok，味道唔系太腻，而配上清爽嘅苋菜刚好。主菜系扒鸡胸，鸡胸唔觉太老或者好柴皮，个汁几香令本来冇乜味嘅鸡肉味道变得丰富一d。甜品系生果，都ok啦。咖啡就一般。总括呢到食品几好，环境正，而价钱亦算唔贵；可惜差在招呼，希望可以改善。