影片
更多
2010-12-01
49 浏览
见食评唔错同太太今次系为试菜而来决定是否为稍后聚会订台，好彩试一试否则肯定被朋友埋怨到出年年尾.坐低招呼位阿叔态度几好，两个人睇o左菜牌一阵，阿叔埋来建议 $233 二人套餐，理论上套餐当然比散叫差，不过可以试晒汤、鸡、菜(自选 $58 款式)、炒饭同甜品(两个选择). ok 落单. 好啦，阿叔好快就上汤，餐牌写 "老火汤一窝" 阿叔摆低两碗类似例汤o既东西，我仲以为佢怕我地等得耐醒两碗例汤饮住先，饮一啖就可以放低呢碗味精水，可以讲完全唔饮得 ! 我问行过位阿姐 "呢个老火汤呀?? 佢答系" 咁就唔驶再有祈望啦 !跟住上炒饭 (咁快?? ) 一睇就知系求其炒炒，饭仲系一旧旧， 完全唔成器，究竟个厨满师未 !?到只葱油鸡，啊，变成炸子鸡，但系碟底一滩油，可能就系所谓 "葱油" 不过得个咸字，唯一可取d皮仲几脆，但系真系太咸 !自选 $58 款 叫o左个上汤鲜腐皮白菜仔，呢个仲可以，冇乜落味精，可能个厨都知鲜腐皮唔会"太重味".叫上埋糖水，伙计哥哥快速收野跟住即闪去装糖水，咪话有两个选择，唔驶问我地想要乜 ??碗糖水认真系 ... 好听就的式，难听就小家. 就系台面个细码餐碗咁多多. 埋单
坐低招呼位阿叔态度几好，两个人睇o左菜牌一阵，阿叔埋来建议 $233 二人套餐，理论上套餐当然比散叫差，不过可以试晒汤、鸡、菜(自选 $58 款式)、炒饭同甜品(两个选择). ok 落单.
好啦，阿叔好快就上汤，餐牌写 "老火汤一窝" 阿叔摆低两碗类似例汤o既东西，我仲以为佢怕我地等得耐醒两碗例汤饮住先，饮一啖就可以放低呢碗味精水，可以讲完全唔饮得 ! 我问行过位阿姐 "呢个老火汤呀?? 佢答系" 咁就唔驶再有祈望啦 !
跟住上炒饭 (咁快?? ) 一睇就知系求其炒炒，饭仲系一旧旧， 完全唔成器，究竟个厨满师未 !?
到只葱油鸡，啊，变成炸子鸡，但系碟底一滩油，可能就系所谓 "葱油" 不过得个咸字，唯一可取d皮仲几脆，但系真系太咸 !
自选 $58 款 叫o左个上汤鲜腐皮白菜仔，呢个仲可以，冇乜落味精，可能个厨都知鲜腐皮唔会"太重味".
叫上埋糖水，伙计哥哥快速收野跟住即闪去装糖水，咪话有两个选择，唔驶问我地想要乜 ??
碗糖水认真系 ... 好听就的式，难听就小家. 就系台面个细码餐碗咁多多.
埋单两位 $277. 讲真，纯粹呢个银码唔算平，加埋食物质素之差就绝对唔合理. 好简单，即入黑名单，永不帮衬 !
写呢篇野系希望各位有 function 要拣食店真系要小心，咪净系靠食评就订台，栈到时食到一肚气仲比朋友怨唔识拣呀 !
张贴