十三少 (已結業)

由细到大热浪都觉得辣嘅我，好钟意食酸菜！平时食米线都一定加酸菜～ 但酸菜鱼同水煮鱼呢类食物好似好辣，嗌唔辣又好似食嚟唔知做乜咁，又费事要朋友就我，所以都好少出街食.. 朋友食完十三少极力推荐我去试吓，所以去试吓个唔辣嘅酸菜鱼！我哋两个人，嗌咗个二人餐，点知成枱食物！份量好多，女仔嘅话三个人应该都够食！唔辣嘅酸菜鱼都好好味！有超级多酸菜正！有好多汤，用咗嚟做汤饭，好饱～～ 我哋两个人完全食唔晒，要打包返屋企～ 我哋谂住系咁饱嘅情况之下，一定食唔晒甜品「红糖糍粑」啦，见到佢仲要系炸嘅，觉得会好腻咁～ 点知…佢超级好味，我哋又成碟清晒一定要点啲红糖！*温馨提醒一下，本身每人会有一碟餐前开胃小食，系凉拌土豆丝～ 如果想试多啲其他嘢嘅话，套餐就可以拣另外两样～