三郎麵燒屋 (已結業)

之前食，真系好味。今晚再次去食，但食唔到，或者店员嘅朋友或队友可能会服务好d。交左点菜纸，我填错可乐，同店员确认系奶茶先真。佢俾番张点菜纸俾我，仲黎埋杯奶茶，我估应该落左单。见住我隔离店员嘅朋友迟黎都上晒菜，都有d奇怪。或者我点4𩠌要耐d，但店员无任何表示无任何提问，反而同朋友闲谈。都正常，朋友熟客赏面，都要吹下水，明嘅。20分钟，见住厨房停晒，仍然无人问我，唔通漏左单？或者真系有人为左杯奶茶去帮衬同坐20分钟。我其实接受到谭仔，文记车仔面d服务，麻luck佬有得食就ok，唔洗太热情。但如果楼面未做好提供服务嘅准备，咁更好食都假，不过我唔系熟客，睇唔我都正常。最后真饿，所以只能堆单走人，店员员哥哥都同我解释左因为我无俾番张单佢，所以无落单。咁我杯奶茶点解黎左？可能餐饮要填一张，点面一张。不过私房菜，其实主要做熟客，希望下次佢会俾我试番食面。