翠華餐廳 (已結業)

话说今日要去拆驳发兼整头发，咁就搞到饿饿地（午餐都冇食）咁去到尖沙咀见有时间想去食啲野先啦，费事一阵整太夜会饿嘛。入到翠华，下午茶时间，唔算多人，是但揾张枱坐低就叫野食。咁翠华不嬲价钱略贵，我叫左个餐蛋治烘底加杯冻柠茶，5，60$左右，谂住食少少就够，点知一黎到我真系呆左超级大份啰大佬呀！睇相唔够震撼呀，我食左一件咋！就已经饱饱地..（利申：唔系细食戈啲人）个三文治既蛋系超级厚，而且系好味唔会炒到好老咁，呢样我又觉得的确系普通茶餐厅廿几三十蚊既三文治都比唔上既。好食，我觉得价钱都算合理。杯冻柠茶甜度适当、唔会太涩或太甜下午茶去叹一叹都算唔错。