新星海鮮酒家 (已結業)

好耐无去过酒楼食饭，为庆祝家姐生左个B，世伯请食饭。叫左几个𩠌，食唔哂仲要打包。首先叫左个鸡煲翅，侍应系旁边服务台帮我地热住个汤，再示意帮我地分，光明正大无呃秤，个鸡煮完之后分上左。首先个汤好足料好香好好味味，四个人饮一人一碗完仲有得添多少少，都几抵。个鸡入哂味，d 肉林哂又无乜骨，好易咬，very good 。之后黎个重口味既葱爆鱼云煲，一放落枱就闻到好香，鱼云炸完再用香葱爆香，好惹味。所以叫左d白饭，送饭一流。再叫左个猪膶芡菜煲，我就唔食内脏既，只系食菜。个汤煮出黎个味都几好，不过菜煮到林哂，少左d口感，但都算ok。终于到左唔系煲既菜式，上汤龙虾伊面。真系好耐无食过龙虾伊面。佢有得简上汤定芝士，老人家佢地怕heavy叫左上汤，但上汤原来都有mix d cheese ，所以都好够味。龙虾几大只，有肉地，伊面都几唔错。侍应service好好，keep 住系附近留意有冇野要帮手，又make sure 我地清哂个翅哈哈。帮我地换碟收野都好快手啊，几好态度。虽然我无食白饭，但都帮唔到手清碟。最后打包左最heavy既龙虾伊面同几旧鸡走。我见好多人黎打边炉，好似几好食。等我下次揾机会试下先。