Brooklyn (已結業)

旺角虽然好多野食，但系有时选择多反而三心两意谂唔到食乜。 唔想同人迫，上左去新世纪5楼 Brooklyn 食西餐。 以前呢度既 Apple Green 系食 pasta 既首选，依家转左同系既 Brooklyn 都食左几次， 虽然揾唔返当年既感觉，不过胜在坐得舒服，唔洗等位，食物又唔差，就佢啦。今晚叫左两份 set dinner,  一份main course 有汤，头盘同饮品，$168 加一 ,  第一个系肉眼扒加薯条，中规中矩，唔算好特别，牛扒薄左少少。 另外一个系carbonara risotto , 比较重味啲，食完要饮好多水，冇影到相，有少少失望。 carbonara以前系 apple green既皇牌，响Brooklyn食唔出。 Main course 唔算好特别， 最惊喜反而系两个头盘。一个系柠檬胡椒脆鸡粒， 干柠檬摆响面既卖相已经好吸引，鸡粒炸得唔油好爽脆，有啲似鸡软骨，配啤酒一流，下次再试下。 另一个系椰菜花脆球，望落去好似韩式炸鸡或者咕噜肉， 有少少辣椒，都系好清新开胃。 两杯饮品都系柠檬系列。不过不失啦。