源發酒家 (已結業)

迟咗收工，于是叫朋友过嚟陪我食啲嘢，简单叫咗几个𩠌，避风塘鲜鱿，避风塘炒蟹就食过，避风塘鲜鱿就无食过啦。其实我就中意食炒鲜鱿多啲，因为方便捞埋啲蒜粒一齐食。如果食蟹就要剥蟹壳，食落都好唔方便。而且呢道𩠌真系好送饭，又好𩠌啤酒。菠萝咕噜肉，酸酸甜甜，肉都几熟嫩，唔会特别厚粉，都几好味。冬瓜盅，纯粹系真系无食过，想试下。同埋呢排个人真系好热气，想叫啲清凉嘅菜式降下火。呢个真系几正，饮落十分清甜，炖得啱啱好，饮碗汤再食下啲配料，好满足。食饱个肚，倾下计，再叫支啤酒。真系好解压。