東歐餐廳 (已搬遷) 新店位置

工作太忙，错过咗晚饭时间，原本已经觉得过咗饭点都唔肚饿啦，念住可以唔使食啦，点知男朋友话点都要食翻啲嘢落肚，唔系嘅话佢会心痛~~~ 好sweet吖！！行过附近发现咗一间餐厅，睇个门面觉得几特别，就行入去食啲嘢啦 其实个店面唔算话好大，行到店入边，佢成间店入边嘅灯光色调系暗黄色嘅，所以食嘢嘅时候会觉得特别有feel，最啱就系情侣嚟dating啦！！~ 呢度嘅嘢食系专门请乌克兰嘅厨师整嘅，所以呢个乌克兰烤猪腿味道都好正宗嘅~~~烤猪腿好大旧，食落去味道好特别，佢用咗一啲好特别嘅酱汁淋系猪腿表面，再加上一啲蔬菜嚟做配菜，猪腿肉嘅肉质好嫩，轻轻一咬，就可以将成旧肉咬晒出嚟！！正！ 红菜头鱼柳沙律，卖相好似一个甜品咁，但其实佢系一个沙律！外边一大层红菜头包住，切开入边有好多好新鲜嘅鱼柳，鱼柳嘅口感食落去好爽滑，口感丰满！！~~ 仲有呢一只石榴汁，味道酸酸甜甜，好开胃。而且石榴嘅香味好浓郁，好饮到爆炸！！~最紧要嘅系好抵饮~~