漁之部屋 (已結業)

好姊妹出嫁，当然要揾个坐得舒服又好食嘅地方倾吓结婚嘅安排啦。但因为第二日大家都要返工，所以近近地去附近揾食，今日就去到天晋汇嘅渔之部屋，贪佢多嘢食又坐得舒服，可以慢慢倾。原来食物质素都好有惊喜，搞到准新娘唔小心食多咗，减肥计划又要重新计划喇。刺身三文鱼、甜虾仲有呑拿鱼都系我地嘅最爱，新鲜度不错，仲好有口感，嚟多两三round都得呀。海胆手卷想食海胆，可以拣海胆筒，份量唔少，都好新鲜。最重要系饭唔多，食完都唔会过饱。日本甘薯串好甜加上焦香，真系好SWEET。串烧菠萝系近期去放题店嘅必点项目，因为酸酸甜甜，够晒醒胃。焗广岛蚝好嫩滑，好浓芝士味，大大只，值得推介。而呢度嘅饮品同甜品选择都唔少，好满足。