影片
更多
2013-06-23
599 浏览
早轮有团购，最平$299就可以喺中环食个二人晚餐！加埋一都系三百几蚊。有时行街搭扶手电梯上到嚟，都见到呢档门口有好多外国人队啤，加上苏豪区食西餐，平极有个谱，今次有机会，点都试一试。食之前几日就订定枱，去到都系六点三左右，门口系酒吧区，待应就带咗我同女友入另一边嘅用餐区。入座时出示团购证明，待应就即刻递上指定餐单。考虑咗一阵，主菜都系拣炸鱼同埋牛肉批。头盘系招牌菜咸布甸。叉开布甸，将肉汁酿入去，食一啖……好似食焗鱼肠啲蛋咁一层层，试吓又无妨嘅；隔离个尖筒，研究咗一轮都唔知点食好，女友索性扑烂佢点汁食。其实个脆筒有少少辣，点返啲汁戥返匀就恰到好处。第二碟一上……吓？咩料呀？成件冇主题嘅艺术品咁，碟大料细唔啱比例，都唔知食边样先！平时食开生车厘茄，今次烧过嘅，食落同普通蕃茄冇分别；隔离只蛋咸咗少少，落盐落得重手咗；左边件包拼磨菇，同埋条肠仔，其实几香口，不过份量少咗啲；最右手边𠮶件黑布甸，感觉似系食好实芯嘅朱古力蛋糕咁，其实都几好食嘅。主菜上枱。呢个批，酥皮喺面，我就当佢系酥皮汤咁食，笃晒啲酥皮入去牛肉馅度！呢碟嘢牛肉味好浓，不过配蕃茄酱就好似浪费咗，咁够味就咁食已经可以。所以碟蕃茄酱用嚟
食之前几日就订定枱，去到都系六点三左右，门口系酒吧区，待应就带咗我同女友入另一边嘅用餐区。入座时出示团购证明，待应就即刻递上指定餐单。
考虑咗一阵，主菜都系拣炸鱼同埋牛肉批。
头盘系招牌菜咸布甸。叉开布甸，将肉汁酿入去，食一啖……好似食焗鱼肠啲蛋咁一层层，试吓又无妨嘅；隔离个尖筒，研究咗一轮都唔知点食好，女友索性扑烂佢点汁食。其实个脆筒有少少辣，点返啲汁戥返匀就恰到好处。
第二碟一上……吓？咩料呀？成件冇主题嘅艺术品咁，碟大料细唔啱比例，都唔知食边样先！平时食开生车厘茄，今次烧过嘅，食落同普通蕃茄冇分别；隔离只蛋咸咗少少，落盐落得重手咗；左边件包拼磨菇，同埋条肠仔，其实几香口，不过份量少咗啲；最右手边𠮶件黑布甸，感觉似系食好实芯嘅朱古力蛋糕咁，其实都几好食嘅。
主菜上枱。呢个批，酥皮喺面，我就当佢系酥皮汤咁食，笃晒啲酥皮入去牛肉馅度！呢碟嘢牛肉味好浓，不过配蕃茄酱就好似浪费咗，咁够味就咁食已经可以。
所以碟蕃茄酱用嚟点薯条炸鱼好过，点都夹过蛋黄酱。而炸鱼嘅啤酒味亦都食得出，几香口。
最后上嘅甜品三宝：上起焗苹果酥、中间系Cream加士多啤梨酱、最下系拖肥布甸，两个人份量。先食中间𠮶只杯，你话系士多啤梨我就唔觉，甜甜哋好似落咗甜粉咁，中和咗士多啤梨味，我系唔食士多啤梨嘅都接受到。跟住食个焗苹果酥，一粒粒苹果粒酿晒入去，亦都唔系咁重苹果味道，但又唔系太过甜咁。最下低𠮶件拖肥布甸，我会先谂拖肥糖𠮶种黐牙感觉；但系呢个拖肥布甸，似系食朱古力但系软身好多，两个人食晒三件都唔会滞。成餐饭，碟碟都系细细件，以为食唔饱要去食糖水，但系食完成餐，两个人都觉得饱，啱啱好。如果用原价$600真系要谂吓先！而家用$300多啲就可以喺中半山食西餐，又要食得饱，真系乜都值返晒！
题外话/补充资料：
此店员工主要由菲藉人士主理，英语能力冇咁好的话，食之前最好预备定先。
(以上食记乃用户个人意见 , 并不代表OpenRice之观点。)
张贴
