小田田主題餐廳 (已結業)

系花园街行完街，晚餐时间又唔知食咩好就上OpenRice揾野食！发现附近有间新开的餐厅就同朋友一齐去食！入到餐厅感觉好舒适，环境开扬，餐厅非常特别用平板电脑点餐的。同朋友点左两个套餐＋1个猪手一齐share！餐汤最特别嘅地方系配上紫薯包，甜甜的很好吃！先上枱嘅系烟三文鱼芦笋香菇辣炒意粉，意粉比起平日系意大利餐厅吃到的粗和圆，口感几烟靱！烟三文鱼色泽亮丽，几新鲜，而且都有成四五块，份量比想像中多！意粉够晒辣香，食辣既我非常岩食，劲好食呀！香煎牛柳粒配南瓜香菇意大利饭卖相精致又好食！牛柳粒够厚，牛味浓郁，口感同味道都100分呀！南瓜饭带有忌廉香，饭粒比正宗意大利饭软稔，适合香港人口味！猪手真系不得了，超级大份，骨胶原丰富又好味!店员好细心，将原只猪手上枱后，让我地班港女们相机食先之后才切开！猪手皮脆肉嫩，入口冇油淋淋既感觉，点上特制既芥末酱制，更好食！