La Postre (永樂街) (已結業)

今日好开心可以早收工，可以同太太撑枱脚，去到一间舒适嘅餐厅倾吓计谈下心。 呢度嘅装修非常之特别，有卡位选择，好有私人空间。西班牙菜平时都吃好多，但系呢度除咗西班牙菜式之外仲有好多各式各样嘅西餐选择。 仲有好多特色嘅甜品。我哋叫咗一个西班牙海鲜炒饭，二人分量刚刚好足够，而且份量亦都十足，海鲜非常足料，有青口，带子，鲜虾等等😍😍😍 而且炒饭依然系用铁板，但系一啲都唔觉得油腻。正呀小食方面我哋叫咗个芝士蟹肉饼，淡淡芝士配上蟹肉，呢个都好特别因为唔系度度地方都有得食。甜品同埋饮品方面我哋叫咗个，waffle , 配上雪糕，香脆热辣辣。喜欢食甜品嘅我，梗系清碟啦😘😍饮品我哋叫咗鲜果茶，粒粒鲜果丶有热饮同埋冻饮选择。