野玩山店 (已結業)

朋友介绍黎到湾仔食semi-buffet lunch，预先订左位，餐厅格局走野外风，有好多camping的装饰，亦以绿色为主调。但菜式就唔见得有太「野」。Set lunch系有自助沙律吧加一个主菜，有餐汤同甜品仲有野饮，包你实食得饱。以$158食到肉眼仲有自助前菜沙律，都算几抵食。我同友人都拣左steak但今日的flank steak转左肉眼。自助吧食物唔算好多，但都唔错。有偏日式的螺肉、冷面同中华沙律，全部都用小碗仔，方便攞，份量啱啱好。另外亦有chorizo辣肉肠同猪肉肠，都系一般。几欣赏佢地用热盘放面包，唔会放到冻哂又硬，面包都算松软，尚算合格。我亦都几钟意前菜都有ribs仲整得几淋，个烧汁亦几好味。反而沙律菜选择唔多，菜亦唔够新鲜。主菜反而麻麻，个肉眼我叫5成熟但就过熟，有啲dry亦冇左啲肉汁，炭烧味好浓，有点儿过浓。黑椒汁正常，但可以再浓少少，炭烧味都可以盖过黑椒汁的味。薯格有点过咸，亦唔太新鲜。整体只属好一般的牛扒。甜品亦失望，系个好甜的蛋糕，我食左一口已经冇食，对我黎讲太甜。以有约$170 lunch黎讲，都算丰富，几多野食而且好饱，但质素有待改善。