影片
更多
2020-10-13
355 浏览
前排连续几日早餐都食大大旧台式古早味蛋糕，食到厌，要过一过冷河先掂，今次黎到La Famille，食返d无咁腻嘅戚风蛋糕。蛋糕轻盈松软，味道较清新，食两个都唔会饱，仲不时有期间限定味道，可惜下午去到已经卖晒，唯有食其他常驻口味。🍴焦糖完熟香蕉 HK$54焦糖配香蕉，仲要系完熟香蕉，睇个名都觉得甜死，食落又唔系㖞，淡淡焦糖甜味加上香蕉香气，仲食到d香蕉蓉，比例刚刚好。🍴英国伯爵茶 HK$54伯爵茶味道唔算浓，茶味唔系一啖就爆出，茶香较甘醇，要一啖一啖品尝先渗出芳香，记得慢慢细味。🍴双重朱古力 HK$54食完两款味道较低调嘅蛋糕之后，轮到浓厚朱古力出场。用左两种唔同浓度嘅朱古力制成，蛋糕底味系无咁浓嘅朱古力，再加上较浓郁嘅冧酒朱古力忌廉，甘甜配酒香，令人陶醉，表面嘅朱古力脆脆亦都增添不少口感。🍴盛莓蓝蝶 HK$54名符其实，「盛莓」由士多啤梨、蓝莓、覆盆子等多种莓类制成，不过我就唔太好莓类所以无食，朋友就话酸酸甜甜，味道几有层次，而夺目嘅紫红色系来自天然蝶豆花同紫罗兰，可以放心食。📍La Famille中环港景街1号国际金融中心商场3楼3098B号舖
前排连续几日早餐都食大大旧台式古早味蛋糕，食到厌，要过一过冷河先掂，今次黎到La Famille，食返d无咁腻嘅戚风蛋糕。蛋糕轻盈松软，味道较清新，食两个都唔会饱，仲不时有期间限定味道，可惜下午去到已经卖晒，唯有食其他常驻口味。
🍴焦糖完熟香蕉 HK$54
焦糖配香蕉，仲要系完熟香蕉，睇个名都觉得甜死，食落又唔系㖞，淡淡焦糖甜味加上香蕉香气，仲食到d香蕉蓉，比例刚刚好。
🍴英国伯爵茶 HK$54
伯爵茶味道唔算浓，茶味唔系一啖就爆出，茶香较甘醇，要一啖一啖品尝先渗出芳香，记得慢慢细味。
🍴双重朱古力 HK$54
食完两款味道较低调嘅蛋糕之后，轮到浓厚朱古力出场。用左两种唔同浓度嘅朱古力制成，蛋糕底味系无咁浓嘅朱古力，再加上较浓郁嘅冧酒朱古力忌廉，甘甜配酒香，令人陶醉，表面嘅朱古力脆脆亦都增添不少口感。
🍴盛莓蓝蝶 HK$54
名符其实，「盛莓」由士多啤梨、蓝莓、覆盆子等多种莓类制成，不过我就唔太好莓类所以无食，朋友就话酸酸甜甜，味道几有层次，而夺目嘅紫红色系来自天然蝶豆花同紫罗兰，可以放心食。
📍La Famille
中环港景街1号国际金融中心商场3楼3098B号舖
张贴
