元朗新記 (吳松街)

营业中

休息中

夜晚想食碗粥，来呢到就啱喇，佢既生滚粥几出色，价钱亦好合理。猪润粉肠粥 $39邪恶孖宝粥，猪润最重要系厚切同紧紧熟，食入口先会感受到果种香滑软，入口即溶的润甜味，正到呢～而粉肠就要处理得干净，去晒多余的油脂和猪臊味，食落先会嫰，口感一流。呢档生滚粥，完全符合到我的要求。炸两 $20食粥当然要配个油炸鬼，今晚决定 upgrade 了，食炸両。油炸鬼好脆，好好食。烧味拼盘 $85估唔到佢既烧味拼盘都几大碟，有齐我最喜爱的叉烧、切鸡、熏蹄同海蜇，份量好足。切鸡够滑又唔肥，点埋姜蓉真心正。熏蹄肥瘦分明，白色部分爽口，红色部分惹味，好送粥。海蜇够多又弹牙，唯独叉烧比较瘦，如果可以半肥瘦就 perfect 池喇！海蜇同辣蒜醋真系绝配。星洲炒米粉 $54香而不辣，咖哩粉好香又惹味。材料有火腿同虾仁，葱段同红萝卜等。钟意佢炒得够干身又入味，几好镬气。冻奶茶 $19味浓，冰唔算多，但亦够冻。热奶茶 $16茶胆靓，奶又够滑，水准之上。枱与枱之间有加隔板，人人食得更安心。