品潮軒 (已結業)

～～我哋两老好钟意食大大只涷花蟹，两斤至少就最好，想翻起都会即刻流口水！但系要揾到闲时都有几只巨型花蟹、挂喺度等人叫嘅潮州酒家，我谂都唔会有好多间。不过，咁大只嘅蟹，始终都系一个 pricey dish，酒家都唔会大量入货，有机会食倒都系缘份嚟㗎。最近喺『品潮轩』就好好彩可以叹到一只近乎完美嘅涷花蟹，二斤多，兴奋兼满足！太座仲得米，𡁻哂两只大蟹拑！佢开心，我开心啦！跟住老板「Dee 哥」仲介绍咗我哋试咗佢哋嘅「酥炸荔芋带子盒」，我哋食蟹食到咁上下，厨房先开始炸，出到嚟热辣松脆，带子又鲜嫩多汁，满分！当晚『品潮轩』虽然满座，但系招乎一啲都唔马虎，非常体贴。真系不枉我哋长途跋涉走过嚟九龙城！如果大家都喜欢食大涷蟹，仲可以去『尚兴』同『新光』，但系价钱都会比『品潮轩』价啲。至于同区嘅『创发』就⋯⋯个 dining experience 完全唔得，学我个死党话斋：「洗多多钱，都唔开心！」