影片
更多
2017-09-21
358 浏览
呢一日唔系咩特别日子，但就无啦啦想食餐好嘅，于是就订咗位同朋友一齐嚟食个高质法国餐我哋一人叫一个set，拣啲唔同嘅嘢食，可以交换食，试多啲口味点完菜就送面包篮喇，虽然面包普普通通，但特别之处系个黑松露牛油，可以将平平无奇嘅面包变得好味好多［鲜带子他他配香辣陈醋汁］新鲜嘅带子切成细粒后配上微辣嘅陈醋，非常开胃［烟三文鱼凯撒沙律］生菜新鲜爽口，而沙律酱份量都唔少，每一块菜都会沾到酱，唔会食食吓变得淡贸贸［黑松露鲜蚝野菌汤］黑松露味道都几浓，汤入面除咗有一只蚝，仲有蘑菇碎喺度，口感同味道都一样丰富钟意蚝同黑松露嘅人一定要拣呢个汤［海龙皇鱼翅蟹肉浓汤］海鲜嘅味道浓郁，汤头滑得嚟亦有蟹肉增加鲜味同口感，好味呢个汤外表睇落似南瓜汤，但入面系有一排排鱼翅仔㗎！［米纸包鸭肝多士伴无花果］鸭肝用米纸包住再拎去煎，令到鸭肝有外脆内软嘅效果。鸭肝非常嫩滑甘醇，而无花果可以降低个油腻感，超级夹［青柠雪芭］上主菜前有呢个青柠雪芭，配埋青苹果粒同plain yogurt，佢酸酸嘅清新味道可以refresh一下个口，预备食主菜［蜜糖果仁焗纽西兰羊鞍，$538］羊鞍用果仁包裹住拎去焗，呢个手法都系第一次见，好新奇。不
我哋一人叫一个set，拣啲唔同嘅嘢食，可以交换食，试多啲口味
点完菜就送面包篮喇，虽然面包普普通通，但特别之处系个黑松露牛油，可以将平平无奇嘅面包变得好味好多
［鲜带子他他配香辣陈醋汁］新鲜嘅带子切成细粒后配上微辣嘅陈醋，非常开胃
［烟三文鱼凯撒沙律］生菜新鲜爽口，而沙律酱份量都唔少，每一块菜都会沾到酱，唔会食食吓变得淡贸贸
［黑松露鲜蚝野菌汤］黑松露味道都几浓，汤入面除咗有一只蚝，仲有蘑菇碎喺度，口感同味道都一样丰富
钟意蚝同黑松露嘅人一定要拣呢个汤
［海龙皇鱼翅蟹肉浓汤］海鲜嘅味道浓郁，汤头滑得嚟亦有蟹肉增加鲜味同口感，好味
呢个汤外表睇落似南瓜汤，但入面系有一排排鱼翅仔㗎！
［米纸包鸭肝多士伴无花果］鸭肝用米纸包住再拎去煎，令到鸭肝有外脆内软嘅效果。鸭肝非常嫩滑甘醇，而无花果可以降低个油腻感，超级夹
［青柠雪芭］上主菜前有呢个青柠雪芭，配埋青苹果粒同plain yogurt，佢酸酸嘅清新味道可以refresh一下个口，预备食主菜
［蜜糖果仁焗纽西兰羊鞍，$538］羊鞍用果仁包裹住拎去焗，呢个手法都系第一次见，好新奇。不过果仁唔算脆，而且比较幼粒，食落果仁嘅存在感比想像中低
羊肉方面，望落系好似一成熟咁，但切开冇血水，食落口非常腍，最紧要系唔会骚
［九州鹿儿岛A4和牛伴和牛意大利饭，$618］冇调味嘅和牛件摆盘摆喺喜玛拉雅山岩盐板上，等客人可以控制个咸度。牛肉嘅油脂都唔算少，味道相当香浓，而少少嘅岩盐更加可以令牛味更突出
A4和牛果然系A4和牛，食落口软腍腍又冇筋，而且牛味十足
和牛意大利饭稍为干身，比较似炒饭，但味道方面系非常香嘅
［朱古力蛋糕］非常滑而且实净，略带少少甘味，唔会一味得个甜字
［杨枝甘露冻］面头系芒果蓉，下面就有椰汁冻，仲有烟韧西米，几清爽
张贴
