影片
更多
2017-07-26
1921 浏览
早个多月前，去咗铜锣湾嘅「FireBird」，食咗唔少以宫崎、鹿儿岛食材所做嘅理料，唔知友人喺睇咗小弟嘅食评，定喺知我年初去咗一转南九州旅行，今晚拣嚟嘅「俺の割烹」又喺大卖宫崎食材嘅日本餐厅，席间再次谈及南九州有几好玩，让小弟回带返到宫崎、鹿儿岛嘅旅程中。晌门口，更摆放些少有关宫崎嘅旅游资料，简直喺宫崎嘅宣传部。餐厅位于加州大厦，地占全层，环境非常之大，一室以金黄为主调，摩登时尚，贵气得嚟唔俗，加上楼底高，枱櫈编排阔落，故感觉十分宽敞。是次虽然喺由老友发辧，但惯常都会影低餐牌，俾自己留记录之余，等大家当个参考，睇睇有啱咩食。概略嚟讲，菜式嘅选择非常多，第一版就有筑地直送海鲜料理及俺の精选，其他仲包括俺の推介、佐酒料理、冷菜、刺身、天妇罗、宫崎和牛料理、烧物、温菜、食事和甘味。除主餐牌外，并有个喺分散出嚟，可以讲喺佐酒餐牌，因为有佐酒小食外，仲有啲配酒嘅组合。而讲到酒，老实讲，小弟酒量真喺麻麻哋，亦唔多好酒，不过，呢度真喺好多日本酒供应，多款知名大吟酿、清酒、烧酎、果酒，仲有红白餐酒、烈酒、鸡尾酒……等等，想知有啲咩就自己睇睇。友人想试试佢啲鸡尾酒，就点啲嚟试，小弟就拣无乜酒精嘅嚟试。K
晌门口，更摆放些少有关宫崎嘅旅游资料，简直喺宫崎嘅宣传部。
餐厅位于加州大厦，地占全层，环境非常之大，一室以金黄为主调，摩登时尚，贵气得嚟唔俗，加上楼底高，枱櫈编排阔落，故感觉十分宽敞。
是次虽然喺由老友发辧，但惯常都会影低餐牌，俾自己留记录之余，等大家当个参考，睇睇有啱咩食。概略嚟讲，菜式嘅选择非常多，第一版就有筑地直送海鲜料理及俺の精选，其他仲包括俺の推介、佐酒料理、冷菜、刺身、天妇罗、宫崎和牛料理、烧物、温菜、食事和甘味。
除主餐牌外，并有个喺分散出嚟，可以讲喺佐酒餐牌，因为有佐酒小食外，仲有啲配酒嘅组合。
而讲到酒，老实讲，小弟酒量真喺麻麻哋，亦唔多好酒，不过，呢度真喺好多日本酒供应，多款知名大吟酿、清酒、烧酎、果酒，仲有红白餐酒、烈酒、鸡尾酒……等等，想知有啲咩就自己睇睇。
友人想试试佢啲鸡尾酒，就点啲嚟试，小弟就拣无乜酒精嘅嚟试。
Kiss of the Night $88讲明对酒唔认识，都喺照抄，以Sakura Liqueur、Vodka、Cointreau及Lemon Juice沟成，君度橙酒令杯嘢泛出淡淡橙色，友人话入口酒精度几劲吓，加入伏特加果然唔喺嘢少。
Yuki no Hana $88另一杯以高身鸡尾酒杯盛载嘅喺以Yuzushu、Shochu、Lime Juice及Grenadine沟成，混入烧酌，同样酒精度唔低，但加入日本柚子酒、青柠汁及石榴糖浆，味道顺口唔会太霸道。
Midori no Akuma $88小弟呢杯就绝对啱唔饮酒嘅朋友，睇成份都只喺Peppermint Green、Pineapple Juice及Lemon Juice，望落清爽，入口清新。
如果讲到佐酒，晌主餐牌嘅佐酒料理之外，不得不介绍其日式串烧，尤其饮啤酒嘅朋友就更啱，共14款，有平有贵，都喺𩠌酒良伴。
牛舌 $48啲串烧有唔同嘅做法，而牛舌可以拣盐烧或汁烧，牛脷嘅独有膻味真喺好特别，而入口有韧劲，店长话佢哋喺用澳洲货，所以，有一定嘅质素。
日本鸡腿肉配京葱 $36
讲明喺用鸡腿肉，自然比较嫩身啲，入口果然唔会「嚡烚烚」，口感嫩滑带肉汁，烧烤时间啱啱好，京葱亦好爽口。上次晌FireBird就喺试过德岛嘅「阿波尾鸡」，所以，好奇问问鸡种喺嚟自边度，原来喺佐贺嘅「华味鸟」，小弟都喺第一次听呢款鸡种。
日本鸡腿肉配京葱
$36
27 浏览
0 赞好
0 留言
宫崎和牛有几出名唔使多介绍，和牛中都属顶级货色，所以，索价过百蚊串。烧完之反睇唔到油脂分布，但入口充满油香，又不失肉味。不过，一串得两件，有啲肉赤。
宫崎猪肉烟肉 $63除咗牛，宫崎猪都好似唔差，试一串宫崎烟肉，半肥瘦得嚟又唔觉太肥，又有一阵阵烟肉嘅熏香，如果烧㶶多少少，带点焦香再配啤酒就更一流。
烧新西兰羊架 $68 / 件 试完牛，试完猪，再嚟羊架就啱晒我，新西兰羊架配上自家制红提芥辣及薄荷酱，非常有心思。而羊架烧得焦香，口感软腍又富肉汁，膻膻哋够晒正，洒啲青柠汁，感觉清爽口啲，但沾红提芥辣，风味大不同。
烧新西兰羊架
32 浏览
0 赞好
0 留言
宫崎牛肉他他 $220 一轮热气嘢，嚟一道牛肉他他凉快吓，将宫崎牛肉做成他他，睇见有少少黑胡椒调味，旁边再伴有蕃茄粒、青蕃茄、洋蕃茄、豆蓉及一只生鹌鹑蛋黄，卖相色彩缤纷。担心牛肉太生就不妨落多少少日式芥末，但我就觉得落丁点就好喇，捞匀送入口品尝到食才嘅鲜味，可以嘅话，配片薄薄哋嘅脆多士或法包更特别。
和牛富士溶岩石烧 $288嚟到唔试啲宫崎和牛料理好似无嚟过，一口气试咗两款，先喺试石烧，份量有分100g（$288）及200g（$538），店长话用上西冷位，先烤焗至半熟再烧，切片放晌220°C富士山熔岩石上，保持温热，并现有几款烤野菜。平时食铁板西冷就梗喺烧汁或蒜蓉汁，但依次伴嘅喺酸汁，崎宫牛雪花分布细密，油份重，有个酸汁中和吓就非常好，而肉质不用多讲，软腍到不得了。
和牛富士溶岩石烧
$288
27 浏览
0 赞好
0 留言
另一道宫崎和牛料理喺以原个瓦锅盛上嘅煮牛筋肉配锅粑，友人搞笑话似萝卜焖牛腩，哈哈。啲牛筋肉极之腍滑，完全焖到腍晒，而白萝卜嗦晒汁，好香却入口无渣。啲酱汁揾锅粑沾嚟食确喺好好味，差啲仲想追加个白饭嚟捞汁，但已经食得好饱。
「俺の割烹」可以讲喺摩登嘅居酒屋，由于食材大都用上日本货色，所以，出品有番咁上下，加上选择多，同大班朋友人嚟就最好不过。店长仲话有唔少优惠，如Happy Hour、Ladies Night、Gentlemen Night，有兴趣就不妨自己打去问问！
张贴
