金蘭花泰國菜 (已結業)

一班人去食泰国菜, 唔驶一定要去九龙城, 友人介绍呢间由泰国人主理既上楼私房菜, 名字同九龙城其中一间泰菜馆同名, 唔知有无关系架呢?!店内装饰环境普通, 肚饿指数高, 快打开餐牌点食物, 食物选择都唔少, 一班饿鬼叫左以下食物 :先叫个柚子沙律开下胃先, 柚子粒粒分明, 味道酸甜又爆汁, 配埋腰果一齐食, 口感特别炒金边粉又系唔少得, 份量颇大碟, 味道调教得几好, 炒得几干身, 食落唔会一口油, 捞埋花生碎一齐食仲香口泰式炸蚝饼第一次食, 有别于潮式蚝饼, 讲到尾其实系炸蚝仔, 热辣辣上碟, 炸得外香内软, 炸酱唔厚, 好易食到蚝仔味, 用黎送啤酒就一流食泰菜又点少得咖哩类, 唔想食咁多肉, 转食咖喱大虾, 每一人只确实够大只, 肉质几弹牙, 个咖喱汁一D都唔辣, 配以青椒洋葱调下味, 用黎送白饭/薄饼就一流!菜方面就炒碟通菜, 通菜几嫩无渣, 味道唔错甜品就系呢个卖相相当吸引既南瓜炖蛋, 四个字形容: 香滑绵甜, 食到南瓜既香甜味, 两者混埋真系超好味, 诚意推介