Oak Tree Ristorante (已結業)

之前已经想试呢间餐厅，觉得好有情调，所以买左团购套餐试下。生蚝好新鲜，套餐包8只普通款，可以加少少钱，试其他款，有4款选择。今次拣左2款试，几好味。鸭胸沙律，配醋汁，好开胃。磨菇汤好creamy 特登黎试个龙虾，超失望，只龙虾劲少，啲肉得2只手指甘多，仲要肉质麻麻，差。好彩另一主菜，拣左肉眼扒，否则真系会饿晕。块扒中规中矩。最精彩系睇厨师整卡邦尼意粉，其实4人用餐，已送一份下次享用，好抵。原本想食焦糖炖旦，点知𠮶晚无，拣左 tiramisu，都好味。整体黎讲，买团购套餐系好抵嘅。但不足之处系员工培训不足，啲菲籍员工完全唔知个餐食乜，拎住个menu落order都落左几次，问左几次，之后都系错，结果要经理执手尾。